malalaman mong nanonood ka ng pinoy film o drama kung...
- palaging nahuhuli ang kapulisan sa pagresponde sa trobol. pagdating nila napatay na ng bidang lalake lahat ng hoodlums.
- may twist na related sa ampon o nawawalang anak ang plot ng istorya. nagkakaalaman lang kapag malapit na matapos ang serye.
- may maingay at malanding baklang side-kick ang bidang babae.
- palaging may mayaman at aroganteng karibal ang bidang lalake sa bidang babae.
- mayroong mahaba at mainit na diskusyon tungkol sa pulitika, relihiyon, ekonomiya, GDP, GNP, laissez-faire, ang bida at kontrabida habang sila ay nagbabarilan.
- may mala-diyos na kapangyarihan ang bidang lalake upang gapiin ang limampu o higit pang bilang ng mga kaaway ng hindi man lamang nalalagay sa bingit ng kamatayan. kadalasan organisado pa ang mga kaaway dahil nakukuha pa nila ang pumila at maghintay ng pagkakataon para lamang masuntok o mabaril.
- sa isang ospital, kinakailangan ang serbisyo ng duktor na lumalabas mula sa operating room, palilibutan siya ng mga karakter ng pelikula/drama at tulad ng inaasahan ihahayag nya ang balitang nasa kritikal na kondisyon ang taong nasa loob ng operating room o di naman kaya siya ay nasa bingit ng kamatayan at panalangin nalang ang makapgliligtas sa kanya.
- walang matalinong alalay ang kontrabida. naglalaro sa 20 IQ points ang karunungan nila. madalas sila ay nababatukan ng among kontrabida.
- kung ang eksena ay sa isang beerhouse, palaging dumarating sa puntong nagsusuntukan ang bida at kontrabida sampu ng kanilang mga alagad. (hindi ba sila makapag-inom at makapambabae nalang ng mapayapa?)
- mayroong sayawan at kantahan na nagaganap kung ang genre ng pelikula ay comedy o romantic comedy. ikagugulat mo ang dagliang transformation ng mga "innocent bystanders" into "professional dancers and singers". nakakairita.
- sa isang inuman sa tindahan sa kanto, sisitahin o aalukin ng mga tambay ang bidang lalake. tatanggi ang bida at susunod na ang suntukan. ipagtataka mo ang pambihirang bilis ng mga sunog-baga kung iisipin mong nakainom na sila at lasing pa. naisip ko noon na marahil sila ay nagsanay sa shaolin temple ng drunken-style kung-fu.
- palaging merong eksenang iyakan sa ulan. wag mo na itanong ang dahilan dahil hindi ko rin alam.
- kung ikakasal ang bidang babae sa lalakeng hindi nya gusto asahan mong mahihinto ang kasal sa ilang hindi maipaliwanag na dahilan.
- sa isang roadchase sasabog lamang ang sasakyan kapag nakalayo na ang bidang lalake ng eksaktong isandaang metro o higit pa mula sa sentro ng pagsabog. ipu-focus ito ng camera upang magmukhang death-defying ang eksena.
- sa katapusan ng isang romantic na pelikula pipiliin ng bidang lalake at bidang babae na maghalikan sa gitna ng maraming tao (kadalasan sa gitna ng squatter's area). matapos nito, magpapapalakpakan ang mga nanonood.
- sa kaso naman ng indie films, palaging mayroong prostitute na kasali sa pangunahing mga tauhan. --credits to WOTL
- ang huling barilan sa pagitan ng bida at kontrabida ay palaging nagaganap sa isang lumang warehouse.
- ang ama/maestro/kaibigan/alalay ng bida ay mababaril subalit bago siya mamatay makapagtatalumpati pa siya ng kasinghaba ng gettysburg address ni lincoln.
- sa isang pagsabog na katumbas ng isang munting nuclear weapon, asahan mong makakaligtas ang bida.
- sa agawan ng baril sa pagitan ng bida at kontrabida puputok ang baril at parehong magrereact sa isang nakakabwisit na reaksyon ang dalawang partido. matapos nito mapuputol ang episode ng serye at paghihintayin ka hanggang sa susunod na araw.
...hay, pinoy talaga.